【升职加薪】忌用跳槽威胁加薪　说服老细最好用𠵱4大理由！

踏入2019年，新年转眼过去，相信唔少SJ读者考虑／成功转工，所谓鱼唔过塘唔肥，跳槽好多时系升职加薪的最快途径。但话分两头，做生不如做熟。假如可以在原本的公司顺利升职加薪，可能先系最佳结果，因为避免了转工后的未知之数，毕竟，虽然有人工加，但转了份伏工就出事了。咁究竟，留系旧公司，有咩要求加人工的好理由？今次SJ就同大家一齐探讨！

先从好理由开始：

1. 成绩为本！你帮公司赚咗（or节省咗）几多钱？

任何公司都系以赚钱为最大目标，而几乎所有员工的职能，归根究柢，一系帮公司赚钱（Sales类、研发类），一系帮公司悭钱（Finance、Admin类）。当然，在好多行业，份工比较细，未必可以直接计算你本人帮公司创造的价值。但起码，考虑加人工，或者考虑你的人工值几多时，往往系考虑你帮公司创造的价值。如果你帮公司做完个Project，明显比其他人做得好，或者甚至系公司从来冇做过如此成绩，咁呢个会系个好理由要求加人工。呢个亦系最强的理由。

2. Effort有价。帮公司卖命，都要少少安家费啩！

好多人低估咗勤力的价值，往往识讲 'work smart rather than work hard' 。其实在公司角度，最好梗系'work smart AND work hard'啦！当然，冇人钟意无缘无故OT，明明公司冇嘢做，都要员工等脑细离开Office先敢自己放工。但系，当公司需要你时，你又有否挺身而出呢？对于其他同事，你又是否称得上“I got your back”？如果你帮公司做咗只大Case，或者好多只细Cases，挑灯夜读，废寝忘餐，疯狂OT过后，其实都系一个好时机要求Pay raise。 当然，呢个同成绩系相辅相成。

3. 外面个市，人工市价有几多？

呢个肯定冇上两个理由咁强，但假如你的公司明显Underpay你，咁呢个系个好理由要求加人工。问下其他朋友，睇下StealJobs上高的Job reviews，原来同行公司，同等职位，人哋畀多50%人工，咁或者可以礼貌地同脑细倾吓，睇下可否加返到市价，或者起码接近市价。

当然啦，呢个时候有经验的脑细/HR就会出场，同你讲个市差，美国加息、中美贸易战、英国脱欧、欧债危机、政府建屋目标下调等等下删10000字的世界地缘政治与经济前景分析。假如你有底气，有学识，都可以同佢来一场大辩论。

4. 长期服务，当鼓励下都好吖

唔好睇小呢一样，假如你做左N咁多年，都冇加人工，可能脑细只系唔记得咗，或者侧侧膊，你唔讲就唔主动加畀你。呢个时候，你可以轻轻一Push，礼貌温柔地善意提醒，畀个Warm reminder加Best Regards，提醒下其实5年都冇加人工了。系咪可以加少少呢？Off topic一下，突然想起吴孟达《赌侠》一段独白：

小弟摩罗星，行年27，一事无成，幸好心术还算良正，愿得师父你收我为徙，他日行走江湖， 挫强扶弱，为社会服务，为国家捐驱，为自由，爱自由，自由万岁！

咁有咩系差理由？

1. 我有Offer，希望你可以加到Match到人工，否则我走人

战略上系好，但讲到出口太威胁意味，而且讲到明自己揾紧其他工系大忌：未分手就唔好沟女住吖。

2. 我想休息吓 返加拿大唞半年

呢个唔系加人工理由，但似乎好多人都认为系。如果你想休息吓，一个好老板应该会祝福你，但如果呢个只系拿来要求加人工的理由，未免有点假，有点迂回。

3. 我读完个Part time master了，而家好巴闭

Unfortunately，除非你做教育界，否则学历对你的商业价值唔系太大差别。另外一个例外，系在你的专业中，读了Master容许你得到某种牌照，好似Surveyor与Engineer之类有类似制度。假如你的公司系专业Consultancy ，主力Sell给客户他们的内部Consultants，好注重他们的学历的话，咁都可能系有关加人工事。否则，其实真系唔太大relevance。

SJ结语加人工简直系人生最重要事情之一，不可不察！

【原文转载自StealJobs.com。StealJobs全面透露各行各业人工，工时，晋升前景，以及入行攻略，欢迎匿名提供收入资料。】