【女生穿搭】编辑不藏私清单 4间不同风格台湾饰品网店一一推荐!
自入秋以嚟，相信唔少女生都同小编一样，已经一件接一件咁入手咗唔少秋装。不过唔知大家会唔会曾经都有一种感觉，就系有时即使着上新衫，望住块镜，仍然会觉得自己嘅造型冇乜新意同亮点？咁难道要去尝试一啲自己未曾试过嘅风格，或者买一啲抢眼嘅单品？其实无需要咁冒险，事关造型沉闷有时并非衣物出错或唔适合自己，只系因为你全身上下少咗一样关键性物品——饰物！
就好似近年好流行嘅极简风格，小编睇亲街拍，都总会见到model们将简约嘅单色衣物驾驭得淋漓尽致，看似平平无奇嘅白Tee，竟然都可以神奇地着出与别不同嘅感觉，但每当同一套衫套落自己身上，往往就一秒变路人。
不过只要仔细一睇，就会发现model们其实花咗好多心思喺配饰上面，例如浅色纯色嘅衫配上浮夸鲜艳嘅大耳环，立刻就有种前卫嘅感觉；又好似间条衫加上画家帽或者草编帽，顿时就令造型有种法式风情；而宽松嘅毛衣加上发带同可爱嘅小耳环，就立即充满日系感。
之不过唔同风格嘅饰物可以喺边度买？其实无需频频扑扑出街揾，小编今次就一次过为大家送上4间唔同风格嘅台湾饰物网店！
Vacanza Accessory
Vacanza 系台湾一共有24间门市，小编以往去亲台湾都必定会抽少少时间去逛一逛，亦都喺度放低过唔少金钱，皆因佢地店舖集合咗多种唔同风格嘅饰物，无论系气质款、简约款、可爱风、定轻熟女风都一应俱全，而款式亦都不只限于耳环、颈链、手链呢类基本饰物，就连发夹、手表、太阳眼镜统统都有。种类款式之齐全，系每次去亲都必定有嘢睇得上眼而又有斩获。
而小编亦都实证Vacanza嘅饰物质素确实系几好，尤其系925全纯银饰物，性价比高，款式亦非常长青百搭，当然其他款式同样唔差，多数都并唔系个种戴一季就会过气嘅款式。有兴趣嘅朋友唔使亲自飞台湾，𠵱家上网都买得到！而且网站上仲有AR试戴，唔惊买完先发觉唔衬自己！
CORDATE
呢间同样系小编收藏已久，个人非常喜欢嘅一间饰物店，事关CORDATE嘅风格非常鲜明，主打轻复古系手作饰物，以仿旧嘅电镀黄铜做主色，再用形珠、碎钻、彷珠宝或店主搜集嘅其他素材点缀而成，风格华丽、富有艺术感但又唔会过于老气，系坊间少见嘅款式。最特别之处当然系全手工制造，同时亦有联名系列，大大减低咗出街撞款嘅机率。如果喜欢古董，可以留意一下佢地嘅古董翻新重制商品，绝对系独一无二。
虽则CORDATE嘅饰物未必太贴地日常，同时亦比较偏向适合轻熟女生，不过小编觉得作为女人，必要时总要有返一两件见得人嘅首饰旁身，如果本身已经行开复古风格，咁就更加唔使讲喇，绝对可以加重你造型嘅vintage味。不过注意一下，由于系手工制作，落单之后需要等待一段时间先收到货。
Bonny & Read Accessory
Bonny & Read喺台湾同样都有门市，店舖主打平价而又高质感饰物，款式多数以韩系为主，由韩国空运来台。小编嘅朋友都曾经帮衬过，而得嚟嘅评价都唔错，价钱虽然平价但质感唔会令人觉得廉价，而且包装亦都好有心机。
小编会推荐佢地嘅雾感纯黄铜系列同耳夹饰物，事关黄铜色调仍然系今年大热之选，尤其进入秋冬，佩戴浮夸鲜艳款嘅饰物容易感觉累赘，相反黄铜则系低调之中带少少优雅感，非常适合用嚟衬秋冬大褛，而耳夹则系照顾到想买靓耳环而又冇耳洞嘅姊妹们，事关市面上真系好少设计靓嘅耳夹。另外值得一提就系Bonny & Read仲有韩剧以及明星同款，如果煲剧时畀女主角佩戴嘅饰物烧到，不妨上嚟揾下有冇同样嘅款式啦。
Snatch Store
Snatch Store主打平价欧美风饰物，店主同网站小编都非常留意欧美IG潮人所穿戴嘅饰物及穿搭，然后再整合出当季嘅潮流同必备饰品，款式虽然未必系独家款，不过绝对系容易衬衫嘅款式。比起欧美风饰物，小编今次会想推荐大家佢地嘅手绘风手工耳环，图案可爱得嚟又带少少童趣，如果阁下系行日系风格，平日嘅造型比较causal，呢款耳环想必会成为你低调之中嘅亮点。而珍珠发夹则系今年欧美潮人嘅top 1饰物，Snatch Store就集合咗多款今年大热嘅款式，而且已经衬好一套套，非常方便。
（以上资料以官方最新发布为准）
唔想错过任何网购限时优惠？立即 Like 《一网打尽》Facebook专页同加入Telegram Group啦！你仲可以拎到独家优惠码及礼品𠻹！