【8.5罢工】王喜吁停止攻击警署及宿舍：攻打差馆只换来伤亡

前警务人员、艺员王喜昨晚(8月5日)于社交网站上，一小时内连发两POST，首先他在帖文中写道：“紧急呼吁！攻打差馆只换来伤亡，切勿围堵或袭击差馆”同时佐以一条39秒的短片。短片中，可见王喜在私家车上自拍独白：“我系王喜，我喺度呼吁，而家喺任何一间差馆外嘅市民即刻离开，唔好向差馆投掷任何物品，因为呢啲动作，都会被当值指挥官或值日官，视作为‘差馆被攻打’。差馆一旦被攻打，差馆内嘅差人就会各就各位，用佢地所有能够用得到嘅方法，即系‘by all means’去捍卫差馆保护差馆。当中必然系包括开枪。所以围堵差馆、向差馆投掷物品，其实系得唔到你想要嘅嘢，反而你会得到你最唔想要嘅嘢，就系伤亡。喺呢度我再一次呼吁，喺任何差馆附近、出面嘅市民，喺呢一刻即刻离开，唔好向差馆投掷任何物品、唔好向差馆投掷任何物品、即刻离开!”

此帖一出，固然引来各派人士键盘“口舌”之争。支持者认为“大家要听阿喜讲嘅嘢，佢 definitely knows what he's talking about.”、“ 佢讲得啱的，去围警署系没什么意思。上两次系因有义士系警署才去支援的，唔系去破坏警署”、“要围都围礼宾府，冤有头，债有主”；

而反对人士则认为“有危险唔系撤退散水，系流向第二边玩分散警力，呢啲先系be water”、“政府乱砌生猪肉太耐，已经唔想理，讲嚟讲去三幅屁。全力支持前线，佢地做咩都会支持。”“ 由612开始，香港警贼已经By all means 对抗香港市民”

亦有其他网民认为，“可唔可以呼吁埋叫警察唔好向市民投射催泪弹呀”、“只要政府真正回应，第二日写包单马照跑舞照跳”。

约一小时后，王喜再出一个纯文字帖：“停止攻击纪律部队宿舍　五个纪律部队同住一处”

此帖一出，当然必火。有网民认同“这座是纪律部队宿舍，不是只得警察，还有其他公务员住的”、“会误伤无辜”；而其他网民则另有意见“其他屋邨个D唔系人？”、“但个源头系警察无差别乱放催泪弹，无论系老人院、幼稚园、有普通路人嘅街道、甚至佢地朋友嘅屋企，佢地都乱放”亦有网民认为“警察布防部著极恶毒，故意弃守十字路口，制造示威者攻击纪律部队宿舍既画面...就系为咗所谓嘅逆转民意画面”

两个POST均获大批网民俾LIKE、回应及分享。其中短片有多达2.1万人俾LIKE、惨惨及心心，逾1,300个留言回复；1.5万次分享。