《G风暴》古天乐一心想炸烂太空馆　宣萱坦言对住古仔有压力

由古天乐、张智霖、郑嘉颖、宣萱、黄宗泽、谢天华等人主演的“风暴”最终章《G风暴》将于12月31日上映，当中古天乐跟宣萱更是继《L风暴》、《犯罪现场》、《寻秦记》再度合作。

古天乐率先表示：“今次系以往爆得最多、开枪开最多，我哋连太空馆都爆埋。（震唔震撼？）有次同监制倾，我话好想炸咗个太空馆，佢返去谂咗一阵，又话好㖞，咁就咁啰，真事嚟㗎！”

较早前黄宗泽接受访问时提及古天乐拍戏十分严谨，古天乐回应：“唔系，唔好话严谨，只系大家去倾嘅时候，觉得咁样比较适合，始终系最后一部，都系想拍到最好，就算系几辛苦都觉得大家用晒100%能力去拍好呢部戏。”

问到宣萱会否感到压力很大，她表示：“初初冇乜，直到......有场戏，佢想喺我身上攞到啲平时喺电视上睇唔到嘅嘢，佢唔希望再系咁样，而个场戏都几紧要，所以不停执，佢又不断教我做，执咗几次之后就叫我企埋一边，佢直接做一次俾我睇之后再做。佢满唔满意我就唔知，我就望佢个样，睇下佢反应咁，适当嘅压力系好，同埋我知佢出发点系好。”

再问到今次似唔似TVB旧同事聚旧，宣萱笑言：“我有㗎，比较大感觉就系同Chilam，𠮶时我哋三个合作过一次就系《天地男儿》，一见返觉得好似好耐冇见咁，不过都驾轻就熟，因为𠮶时都拍左成60集，系同古仔见得比较多，大家一埋位都好自然、舒服。”