【过年必睇】七大不是贺岁片的伪贺岁片 原来都系星爷嘅错！
撰文： 陈颖思
出版：更新： 过年睇贺岁片是常识吧？除咗入戏院睇新片，各大电视台都会日Loop交Loop过年旧戏，不过其实当中有好几套并非贺岁档作品、但大家又会不断翻睇嘅“伪贺岁片”，仲要大部份都系周星驰嘅戏，以下七套你睇咗几多次？ 睇一百次都觉得好好睇、好好笑，剧情高潮迭起，笑料浪接浪咁嚟，唔止星爷演出精彩，吴孟达、张敏、苑琼丹、徐锦江、夏萍等配角都好出色，真系经典中嘅经典。 官方全名《九品芝麻官之白面包青天》于1994年3月31日上映，大收3千零18万，为年度票房第7位。 与《九品芝麻官》并列为过年必睇电影之一，改编自经典民间传说，将吟诗作对融入对白之中，仲有创意无限嘅武功招式、兵器同毒药，每一句对白都入晒脑，巩俐嘅演出更系画龙点睛。 《唐伯虎点秋香》于1993年7月1日暑假黄金档期上映，大收4千零10万成为年度票房之冠。 星爷嘅成名作，亦系佢第一部收过百万片酬嘅作品，连张敏饰演的“绮梦”及吴孟达饰演的“三叔”亦成为经典角色，由于香港人热爱在拜年时与亲朋戚友开赌局，睇赌片亦成为过年的必备节目，然而大部份都唔系贺岁片。 《赌圣》于1990年8月中上映，食正暑假黄金档期大收4千132万，一举成为年度票房冠军，值得一题的是，本片编、导是刘镇伟，但人物故事后来与王晶的《赌神》、《赌侠》系列合流。 虽然第一男主角系刘德华饰演嘅“赌侠”陈刀仔，但“赌圣”星爷同佢算得上系平分秋色，两个拍埋一齐火花十足。另外不得不配服当年王晶编、导赌戏嘅功力，可以讲系拍出香港独有嘅赌片电影宇宙。 《赌侠》于1990年圣诞正日上映，收4千零34万，为年度票房亚军，仅仅输俾《赌圣》，值得一提的是，1989年上映嘅《赌神》都系12月上映，加埋《赌圣》，三套都唔系贺岁片。 整个系列中，只有第3集《逃学威龙3之龙过鸡年》是贺岁片，但最经典的第一集于1991年暑假档上映，都系有张敏同吴孟达等固定班底，虽然卧底题材并非新桥段，但融入校园元素就够新鲜感，难怪大受欢迎。 《逃学威龙》当年大收4380万，成为年度票房冠军，之后连续两年推出两套续集，同样大受欢迎。 过年有贺岁杯睇，但呢套足球电影就唔系贺岁片，星爷自编、自导、自演，将大缆都扯唔埋嘅少林功夫同足球，好完美咁结合，呢啲咪就系创意啰！同其他星爷嘅作品一样，几位配角成功跑出，包括“六师弟”林子聪、“四师兄”陈国坤及“酱爆”何文辉等。 《少林足球》于2001年7月暑假黄金档上映，票房高达6千零74万，又系年度票房冠军！ 过年最好饮饮食食，有“爆浆濑尿牛丸”同“黯然销魂饭”嘅《食神》，摆明一副贺岁片嘅格局。虽然用饮食嚟包装，查实系王子复仇记式嘅剧情片，故事峰回路转、笑中带泪，一个字“掂”！ 《食神》喺1996年圣诞档期上映，跨埋年大收4千零86万，成为1997年票房亚军，就系输俾同年嘅贺岁片、成龙主演嘅《一个好人》。