惊吓！港女遭怪男跟踪 男友急贴身保护 1个IG功能揭超恐怖真相
交往后才发现遇上恐怖情人或许比“无拖拍”更可怕！有港女于讨论区发文求救，指与男友交往1年半，一直非常甜蜜，至数个月前突被一名怪男跟踪，男友得知后亦贴身照顾让她安心。没料有日她看男友的Instagram时，竟发现对方就是一直骚扰自己的怪男，“原来系我男朋友自编自导自演”。大感不寒而栗的港女随即与男友摊牌，但对方竟以“好玩”为由解释，更一度语带威胁拒绝她暂时分开的要求，令她不知如何是好。
该名女生于讨论区发文分享遇到恐怖情人的经历，指与男友拍拖1年半以来，相处一直没问题，因她性格较细胆内向，故男友也不介意代为处理生活大小事，“佢系𠮶种为爱咩都奉献晒嘅人，只要我一叫到佢几夜都会出嚟，返工啲钱用晒喺我度，从来唔会大声同我讲嘢，唔会发我脾气”。
约5个月前，女生指有人无故于Instagram上骚扰她，“𠮶个人开咗好多帐号讲嘢骚扰我，例如话‘你今日好靓啊’、‘你今日着得好好睇’，佢又讲得出我啲个人资料”，惊慌之下她只能求助男友，对方亦乐于管接管送及安慰她，“我份工返夜班而且比较远我屋企，所以顺理成章同咗男朋友同居”。
女生指曾经怀疑骚扰她的怪男是公司同事，“因为𠮶个人完全知我边一日着咩衫，甚至偷拍我返工相再send畀我，而𠮶位同事曾经钟意过我，我男朋友仲有日上舖头当面问系咪佢”，但事件一直未解决。
至近日女生无聊玩男友的电话，在男友的IG发现另一帐号，“佢一直都无小号，但今日突然见到佢右下角变咗一个icon。我好奇㩒入去，发现佢个account就系𠮶个跟踪咗我5个月嘅人！我好认得个名，㩒入去全部都系一样嘅对话，我即时标晒冷汗”。发现一切全是男友自导自演的她顿时不寒而栗，“之后强忍住扮无嘢，话有事要返屋企走先”。
她其后鼓起勇气与男友摊牌，“佢就系咁话当初无聊玩下，点知我太细胆吓到咁，所以唔敢讲真相出嚟”。她表示对男友所为难以理解，对其讲法半信半疑，“我唔知呢个咩心态，唯有扮原谅佢住，佢平时又唔系咁无聊嘅人”。当她提出需要时间冷静时，男友便露出恐怖情人本色断言拒绝，加上因两人曾拍下私密影片，令她更感担心，不知应否分手，“无谂过佢会系恐怖情人，提分手真系有啲难，如果佢系，基本上我所有嘢佢都知道”。
帖文引来网民热议，不少人认为男友的举动已属恐怖情人级别，建议女生要尽快分手摆脱对方，“楼主要小心啲，真系，就算要分手都谂清楚点样做”、“做到咁仲原谅？佢系不惜一切去令你惊然后留你喺佢身边㖞！咁危险你仲留？如果拖耐啲咪仲危险”、“边有男朋友或者亲人，会喺明知你已经好惊嘅情况下仲继续做啲咁嘅事？或者咁讲，佢享受紧你好惊嘅心理已经唔多掂，根本就恐怖情人！已经唔系原唔原谅嘅问题，心理根本就有问题”。
亦有网民认为，男生的举动或是缺乏安全感的表现，认同对方的行为绝不可取，但亦建议楼主了解男友的目的，“真系觉得可以由源头倾下先，睇下佢系边方面缺乏安全感，大家摊出嚟倾会好过突然分手，佢一定受唔起更加感情勒索”。
楼主其后留言回复，指觉得男友已变成陌生人，目前最担心对方以私密影片威胁她，因此打算先扮作和好，销毁影片后再分手，“佢一定会有下一次，我谂住表面和好，然后趁佢返工就入电脑del晒啲相佢，定系拆走hard disk ok？之后去朋友屋企暂住，唔得就租㓥房。未知分手后佢会唔会做威胁行为，但点都会del咗片先”。
智能手机普及后，情侣间拍摄性爱片变得平常，但无论名人还是一般巿民，都不时有私密影片流出。香港性教育会长黎定基曾受访分析拍摄者心理，表示现今拍摄工具相当方便，很容易就可以留下纪录，特别是年轻一代愈来愈爱拍下性爱片日后回味，认为拍片者多数基于3个心态做出相关行为【点选下图放大即睇▼▼▼】
黎定基指出，如果性爱片意外流出，成为别人茶余饭后话题，或会对当事人造成很大的伤害，需要一段时间才能磨灭，必学3招如何保护自己▼▼▼
同场加映：恐怖男友疑女友出轨 偷入屋大报复 阿妈求情一句辣㷫受害女
同场加映：现实中恐怖情人10大特征