生活百科｜回南天潮湿如何保住靓衫？装修佬教你6招衣柜防霉大法

文：装修佬香港近海，长年处于潮湿状态，特别喺梅雨季节，更系苦不堪言。相信大家都有遇过衣柜发霉的问题，牵连衣物都会有霉菌滋生，特别是皮制品，确实令人头疼。其实，发霉问题都有方法可以解决，究竟系点？装修佬话你知。

↓↓↓ 6个衣柜防霉大法 ↓↓↓

下载“香港01”App ，即睇城中热话：https://hk01.app.link/qIZYuEC5LO

防霉配方油漆

呢个须要喺家居装修时就拣好，选用含有防霉配方油漆来油屋企墙面。防霉油漆可以有效防止霉菌萌芽及对抗害菌滋生，令污垢唔易附着，耐擦洗，比较适用于厕所同厨房、墙面等易潮湿嘅地方，降低家居环境潮湿，限制霉菌滋生。

保持通风透气

呢样非常重要，衣柜发霉嘅一个原因系唔能够通风干燥，所以平时要留意打开柜同室内门窗等，保持居室通风透气，令室内保持干燥清爽，同时柜亦唔会容易受潮发霉，不过要留意天气情况，如果喺落雨潮湿天气就尽可能唔好打开，相反要关闭门窗，拒绝外面空气嘅湿气进入屋企，预防柜同柜入面嘅物品受潮发霉。

摆放除湿防霉用品

摆放盒装除湿剂系防霉好办法，毕竟衣柜发霉系由于受潮引起，喺衣柜度摆放除湿剂可以吸取柜入面空气中嘅水分，保持衣柜干燥环境，轻松达到防潮防霉效果。另外可以将干茶包挂喺衣柜度，唔单止可以去除霉味，仲可以令衣物散发阵阵清香。煮咖啡剩低嘅咖啡渣亦兼具吸湿除臭双重效果，将咖啡渣晒干后放喺干净纱布袋或旧袜度绑紧，就变成除湿包。另外仲有竹炭包用来防潮防霉，臭丸亦多人选择，但臭丸气味及成份或对小朋友、胎儿健康唔好，唔建议使用。

衣物要晒干先摆入衣柜

相信好多人都试过衣柜发霉，霉菌走到衣物上，整污糟件衫，甚至唔着得。其实主要系由于衣柜受潮先会发霉，所以第一时间要解决嘅就系衣物一定要晒干先摆入衣柜，咁样一定程度上可以保持衣柜干燥，降低发霉机率。

衣柜远离潮湿区域

衣柜发霉另一个原因往往就系因为柜背面嘅墙面潮湿，墙嘅另一边系厨房、厕所等较潮湿地方，呢个情况下衣柜系会经常发霉，尤其系家居防水无做好。最好将衣柜重新换一个位置摆放，平时亦要喺衣柜度摆放除湿物品如除湿剂，预防衣柜受潮。

铺垫报纸

报纸系除湿佳品，尤其用喺衣柜防霉防潮上，喺衣柜底部铺报纸，甚至喺衣柜门内侧贴报纸都得。报纸可以吸湿防霉，油墨味仲可以驱虫，报纸喺衣柜防潮防霉作用上非同小可。

装修佬温馨提示

衣柜发霉系经常遇到而且好头疼嘅事，须要平时做好预防工作，而唔好等衣柜发霉先来处理。另外装修佬提醒大家，如果衣柜已经发霉，喺清理嘅时候尽可能唔用水，以免衣柜进一步受潮继续发霉，建议用纸巾或干布把霉菌抹走，经常开窗通风，保持衣柜干爽，散除霉味，同时将发霉嘅衣物要洗干净彻底干燥后先摆返入衣柜。

读者如有查询，欢迎向“装修佬”fb留言或私讯，装修佬将会继续撰文问解答大家疑问：https://www.facebook.com/hkdecoman

↓↓↓ 图解墙身除霉方法 ↓↓↓

↓↓↓ 使用漂白水8点注意事项 ↓↓↓

作者简介：

装修佬是家居装修奇难杂症专家，希望透过文章分享及网上互动，解答巿民各式装修难题，改变大众对装修方式和置家理念。

作者facebook专页：https://www.facebook.com/hkdecoman/

（文章标题由《香港01》编辑所拟。文章纯属作者意见，不代表《香港01》立场。）