【生活百科】怕厕所用得耐易有水渍？　勤清洁之外要识拣涂层物料

撰文： 热评
出版：更新：

文：装修佬　（文章标题由《香港01》编辑所拟）我哋每日第一个同最后一个用到嘅都系厕所，香港屋企地方细，成家人都All in one，所以成日都要洗厕所。但唔通个个都想洗厕所咩！有无谂过点解五星级酒店嘅坐厕就算长期使用都咁干净？除咗有专人清洁之外，佢地用紧嘅都系好嘅洁具。由于坐厕每日会接触各种排泄物，所以陶瓷表面会加层釉，令到表面防水防污。装修时拣一个好嘅坐厕，除咗外观靓、冲力够呢啲重点之外，表面嘅涂层物料亦都相当重要㗎！

厕所每日都要用，但用得耐就好易有水渍，想厕所靓靓可以点样做呢？（GettyImages/视觉中国）

下载“香港01”App ，即睇城中热话：https://hk01.app.link/qIZYuEC5LO​

现时市面上嘅坐厕，由款式到价钱上都好多选择，林林总总真系好难拣。如果唔识拣嘅话，你会发现你用紧嘅坐厕除咗冲得唔够干净，仲好易黐住污渍喺表面，用多一排仲好快有啡啡黄黄嘅水垢，浪费水之余又会积聚细菌，日常打理都好花时间。

今次装修佬会同大家解释下市面上新式既防污同抗菌涂层。

陈年厕所难免有水渍，想避免原来识拣涂层物料都十分紧要。（GettyImages/视觉中国）

首先，点解座厕兜会啡啡黄黄嘅？

香港冲厕水大多为海水，水中会有沙石、铁锈等杂质，冲水时会磨损陶瓷表面，久而久之水垢呀、便便渍呀，都会卡喺裂缝到，难以清洁。好多研究都证明咗化学清洁剂嘅成份会刺激皮肤、眼睛、呼吸道，损害屋企人健康之余仲会污染环境。

厕所唔够位放马桶　砌图式解决　装修界：成功嘅师傅系冇土地问题拆开插座惊见一堆檐蛇蛋　装修师傅留隙放生获网民激赞【装修奇遇】拆天花版惊遇老鼠“白骨雨”　台师傅崩溃：快吐屎了公屋地板渗黑液体　连登网民求救：仲有尸臭味　装修师傅解谜
想厕所干净当然要勤力洗刷，但原来有厕所系有抗菌涂层㗎。（GettyImages/视觉中国）
“AQUA CERAMIC”的测试比较。（作者提供）

防污陶瓷坐厕污糟有四大原因，分别系磨损及刮伤、排泄物痕迹、长时间暴露于硬水而造成嘅水垢，以及细菌积聚。日本人最着重干净，所以日本就有品牌研发咗最新嘅防污陶瓷层去解决呢四大问题，仲得到Good Design Award金奖。

呢种防污陶瓷嘅超亲水性能，令水流过陶瓷时，摄入陶瓷同污积之间，直接将污积托起然后冲走，用少少水就可冲走污渍。而陶层表面光滑抗刮，防止铁锈同其他杂质刮花，避免水垢同细菌积聚。平时简单冲洗，唔使用到腐蚀性清洁剂，都可以令坐厕用耐咗都仲咁新净。

想厕所用几耐都白白净净，首先要知道厕所有无应用特别科技。（GettyImages/视觉中国）

抗菌涂层

依家好多大牌子嘅坐厕都会喷埋抗菌涂层，唔同牌子都有自己嘅技术，但系咪真系有用呢？我哋自己睇唔到。而某一间美国公司嘅抗菌涂层，因为系直接烧制固定系坐厕内壁，唔会因为冲多两次水而洗走晒之余，仲系市面上少有通过英国IMSL检测，证明可以抑制大肠杆菌同金黄葡萄球菌滋生，用落安心好多。坐厕成家人日日用，仲会用好多年，大家买坐厕时都可以考虑唔同嘅易洁抗菌涂层。无论系边一个品牌，定系其他涂层都好，要识得拣，先会买得啱。

其他常见问题

问 : 有水箱坐厕好定无水箱坐厕好？ 答 : 无水箱坐厕因为隐藏咗水箱喺墙身上，占用空间少同靓好多，有机会我地详细讨论。

问 ：如何选购一个坐耐少少都唔会脚麻嘅坐厕？答 ：脚痺系因为坐得耐会而压迫到神经同血管，影响血液循环。所以唔建议大家坐太耐，10分钟以内最好。有些坐厕会根据人体工学设计高度，坐落会较为舒适。

问 : 上水慢可以点搞？答 : 首先上水同大厦本身水压同流量有关系，如果唔系大厦供水问题就要睇睇坐厕上水件。因为香港来水较多杂质，长时间使用可能会令上水管，入水阀（波曲）、或者滤网积蓄污垢瘀塞，令上水变慢。

作者简介：装修佬是家居装修奇难杂症专家，希望透过文章分享及网上互动，解答巿民各式装修难题，改变大众对装修方式和置家理念。

作者facebook专页：https://www.facebook.com/hkdecoman/

（文章标题由《香港01》编辑所拟。文章纯属作者意见，不代表《香港01》立场。）

American Standard亦有推出“Comfort Clean”抗菌涂层。（facebook专页“American Standard Taiwan”图片）