将军澳借钱党！内地男称：无钱买嘢食　好心女给$40见这幕呻被骗

借钱党再现将军澳，街坊要小心提防以免受骗！有女街坊日前于将军澳港铁站附近遇到1名“身光颈靓”的内地男子，对方声称“无钱喺身”，微信帐号亦因额限问题而无法付款，所以未能购买食物。她一时心软给予对方40元，事后却看见对方“又喺到揾目标”，终知道自己被骗，遂公开事件提醒将军澳街坊“唔好畀钱佢”。

帖文引来网民留言，有人认为楼主“太戆居”，“呢啲呃神骗鬼技俩用咗起码超过20年，咁你都俾佢呃到”、“就系有你呢啲人，呢个世界先至仲咁多骗子”。有将军澳街坊则贴出照片，指曾遇过疑似同一个人，质疑对方是“惯犯”，“佢推住架无BB嘅BB车，昨晚6点30分左右喺东港城出现，佢都有问我，我话无现金走咗”，故有留言怒斥骗徒劣行，“呢个年头啲人利用别人善心行骗，真是可耻”。

途经将军澳港铁站附近遇内地男问路

该名女街坊于２月11日在facebook群组“将军澳主场”发帖，指于将军澳（港铁）站附近遇到1名身光颈靓、身高约158厘米的内地男子问路，对方先是询问她有没有免费巴士前往机场，楼主回复“无”，同时强调“所有（交通工具）都要畀钱”。

港女心软给40元　终知悉被骗

男子之后又表示想买食物，但“无钱喺身”，微信帐号亦因额限问题而无法付款，故询问楼主“有无钱畀佢买嘢食”。楼主一时心软，便给予对方40元，之后却看见对方“又喺到揾目标”，故公开事件提醒其他将军澳街坊要小心，警惕“唔好畀钱佢”。

网民群指楼主“戆居”：咁你都信

许多网民都指责楼主“戆居”，“咁你都信”、“一早已经话咗呢啲系揾人笨㗎啦”、“呢啲呃神骗鬼技俩用咗起码超过20年，咁你都俾佢呃到”、“唔怪得到今日仲有人俾电骗呃”、“就系有你呢啲人，呢个世界先至仲咁多骗子”、“点解你会咁轻易就畀钱一个完全唔识嘅人？系咪任何人问你攞钱你都会畀㗎？”，又调侃“你几点再出现，我无钱畀共享单车，帮手嘟嘟”。不过有留言安慰楼主，“算啦，就当做咗件善事，唔好觉得俾人呃，过年派利是都唔止$40”。

街坊贴相指曾遇同一男子　质疑是“惯犯”

有将军澳街坊贴出照片，指曾遇到疑似同1名男子，质疑对方是“惯犯”，“呢个人我都喺将军澳地铁站遇过，一讲到钱我就走人”、“佢系咪推住架bb车？如果系嘅我头先喺单车馆𠮶度遇到，应该同一个人”、“佢推住架无BB嘅BB车，昨晚6点30分左右喺东港城出现，佢都有问我，我话无现金走咗”。有人好奇楼主见对方再次“揾目标”，有否上前踢爆其诡计，楼主回复指，“我叫佢唔好再呃人，跟住佢笑住走”。

网民批骗徒可耻：利用别人善心行骗

有网民就斥责骗徒利用他人善心恶行，“呢个年头啲人利用别人善心行骗，真是可耻”，并建议他人若遇疑似骗徒，可以这样反击，“你话揾警察帮佢，就会掉头走㗎啦”、“遇到呢啲我会一律回佢：‘畀你老X臭X’”，又笑称“搭机场巴士免费，问返佢边到有免费飞机搭”。

（facebook“将军澳主场”）