港铁男破音怒斥不准饮食　港女反呛收声：我唔系好恰！　后续更狂

港铁车厢列明不准饮食，否则随时触发争执。本港互联网疯传1段影片，港铁车厢内有男子高声斥责1名女子违规饮食，“地铁系唔可以饮食㗎㖞！妳离晒大谱㗎㖞！一啲规矩都无！”。女子反驳叫男子“收声”，男子即激动破音表示自己“理直气壮”不会收声，又走向四周乘客问“地铁系咪唔可以饮食㗎？”，却被乘客要求“行开啦”，其他乘客亦疑似到站起身离开。

影片引来网民热议，有人支持男子做法，“虽然个男人好激动，但佢又真系知规矩法例㖞”、“道理上佢无乜问题亦无错”、“个女人又衰嘅，讲句唔好意思收埋嘢饮咪得啰，做乜要硬撑呢？”；但也有人不认同，“太执着搞到成车人，在某种意义上太冇人情味”。

女子疑港铁车厢进食　男怒骂：妳无规矩啊！

有女网民12月2日（星期一）于社交平台Threads发布影片，见到港铁车厢内有男子正大声激动斥责1名女子违规饮食。

影片长约1分半钟，1名平头装揹帆布袋、站在车厢中间的男子，边踏地边高音地斥责站在车门旁边的女子，“知唔知啊！人哋头先同妳讲咗3、4次，仲系再去饮，妳系咩情形啊？吓！地铁系唔可以饮食㗎㖞。妳离晒大谱㗎㖞！妳离晒大谱㗎㖞妳！地铁系唔可以饮食㗎！”。

女子轻声回应后，男子表示“头先我唔系咁大声㗎！话完妳几次唔系好大声，再饮，系咪要大闹妳啊！一啲规矩都无㖞！”。女方不满反呛“我唔出声唔代表我好恰”，男子闻言更激动说“妳无规矩啊妳！妳一啲规矩都无！”，女子随即要求男子收声，“收声！你唔好以为我唔够胆话你啊！”。

女子叫男子收声　后续更狂

男子未有停口，强调“地铁系唔可以饮食嘅！”，又问“使唔使揾站务员攞返个录影出嚟罚妳钱？”。女子重申“我唔想同你嘈，我惊嘈到人”，男子则指摘“妳自己无规矩啊！”。

男子骂不停口，女子再要求“你收声好无？”，惟男子反驳“我理直气壮，我纠正妳嘅违规行为，我点解要收声啊！妳自己有问题，妳无守到规矩！”。说毕男子更走向四周乘客问“地铁系咪唔可以饮食㗎？”，却有女乘客要求“喂你行开啦”，同时列车疑似到站，多名坐在座位的乘客一同起身离开。影片至此结束。

网民热议对错

网民看过影片议论纷纷，有人赞同男子做法，“好有原则！”、“虽然好搞笑但系佢无错”、“虽然个男人好激动，但佢又真系知规矩法例㖞，正义之火上晒头、“个女人又衰嘅，人咃讲道理，讲句唔好意思收埋嘢饮咪得啰，做乜要同人哋硬撑呢？”、“道理上佢无乜问题亦无错，试问有几多人见到人喺地铁食嘢会出声？不过对方被劝喻后都继续饮，你同佢讲都嘥气，最多未同啲职员讲返啰”。

但也有网民不认同男子做法，“佢冇讲错的确严禁饮食，但佢又太执着搞到成车人，在某种意义上太冇人情味”、“佢出发点系好正常，但自己情绪控制有困难”，部份网民认为该男子可能有情绪问题。

港铁内饮食可罚款2,000元

港铁列明不准饮食，根据《香港铁路附例》，在已付车费区域内进食或企图进食任何食物或饮用或企图饮用任何饮品（不论是酒精类或非酒精类饮品），可罚款2,000元。