【冲绳】七大必食琉球甜品 人气PABLO“紫薯芝士挞”味蕾大享受
去到冲绳度假放松，重点除左欣赏无敌大海景，享受美食都好重要嫁！甜品控注意喇！今日小编要为大家推荐冲绳7大必食甜品，例如系国际限定嘅Pablo红芋芝士塔、网红必去嘅Smoothies店、港川外人住宅嘅oHacorte水果塔，仲有濑长岛必食嘅雪糕等，店家资讯同交通都有齐，一齐出发到冲绳品尝甜品啦！
雪盐雪糕
冲绳嘅雪盐系非常出名，你当然唔可以错过用当地雪盐做成嘅雪糕啦！甜甜嘅霜淇淋带著微咸，口感特别但唔会有冲突，雪糕同雪盐意外地系perfect match！另外，店铺都提供其他口味嘅盐调味料俾你加喺雪糕上面，例如系抹茶盐、柚子盐等，为雪糕添加更多变化。
【商店：塩屋（国际通松尾店）】地址：冲绳县那霸市松尾2-1-3营业时间：10:00 – 22:00交通：乘搭单轨列车至“县厅前站”步行6分钟
【商店：塩屋（平和通店）】地址：冲绳县那霸市牧志3-2-59营业时间：9:30 – 21:00交通：乘搭单轨列车至“牧志站”步行9分钟
oHacorte 水果Tart
oHacorte甜品店嘅水果Tart出名到被誉为冲绳必食嘅甜品！水果塔以当造嘅新鲜水果制成，所以每个季节都会推出唔同甜品，而且每一款都系当日限定发售嫁。除左用玻璃柜展示嘅水果塔色彩缤纷、造型满分之外，Tart嘅直径固定系7cm，睇得出店家对口味同外观都落足功夫！有好嘢当然要happy share啦！你当场享用好味嘅水果塔之后，亦可以买啲饼干同常温蛋糕番屋企。oHacorte嘅柠檬蛋糕选用冲绳特产嘅柠檬，外层柠檬糖霜酸酸甜甜，里面蛋糕香味十足，一于带佢返香港做手信啦！
【商店：oHacorte（松尾分店 国际通）】地址：冲绳县那霸市松尾1-9-47营业时间：10:00 – 19:00详细资讯：oHacorte官网交通：乘搭单轨列车至“县厅前站”步行5分钟
【商店：oHacorte 港川本店 外人住宅】地址：冲绳县浦添市港川2丁目17-1 #18营业时间：11:30 – 19:00详细资讯：oHacorte官网
Kurtos kalacs 烟囱卷
Kurtos kalacs系间国际知名嘅面包店，店铺最热销嘅就系梦幻烟囱卷！酥脆外皮加上芝士内馅，系啖啖幸福滋味啊～另外，二楼亦有咖啡厅，攰喇可以上楼坐休息一下。
【商店：Kurtos kalacs】地址：冲绳县那霸市松尾2-1-2营业时间：10:00 – 22:00交通：乘搭单轨列车至“县厅前站”步行10分钟
Pablo红芋（紫薯）芝士Tart
相信大家对Pablo嘅半熟芝士Tart都唔陌生～浓浓嘅芝士配上扎实嘅口感，真是味蕾一大享受啊～所以，来到冲绳，你唔可以错过当地限定口味嘅红芋芝士Tart！小编原本以为芝士同紫薯唔系特别夹，但估唔到层次分明嘅口感反而令人想一啖接一啖呢～
【商店：Pablo 国际通店】地址：冲绳县那霸市松尾2丁目8-19营业时间：11:00 – 23:00详细资讯：Pablo官网交通：乘搭单轨列车至“牧志站”步行7分钟
Vita Smoothies 沙冰
Vita Smoothies嘅沙冰都系用当地大量嘅蔬果所制成，不但健康，外观仲缤纷可爱，因此深得当地人喜爱，仲好IG-able添！店内嘅沙冰系即叫即制，非常新鲜～附上菜单，俾大家参考。最上面张相系红芋香蕉口味（菜单左边数落尼第6个）。而下面依杯系莓果香蕉口味嘅沙冰（菜单左边第2个）。
按图看更多Vita Smoothies好饮兼好啱喺IG打卡嘅靓靓沙冰吧，睇到都流晒口水▼▼▼
【哪里买：Vita Smoothies】地址：冲绳县那霸市牧志2-17-17营业时间：10:30 – 20:00详细资讯：Vita Smoothies粉专交通：乘搭单轨列车至“美荣桥站”步行1分钟
冲绳手作意式雪糕 yukuRu
位于濑长岛嘅意式雪糕店yukuRu，最有特色嘅就系冲绳限定口味嘅各种意式雪糕，例如紫薯、菠萝口味等等，由于采用最新鲜嘅食材制成，所以每天嘅菜单都会有小调整～
【商店：yukuRu】地址：冲绳县濑长岛7号店铺营业时间：10:00 – 21:00电话：098-996-1577交通：冲绳单轨电车的赤岭站、久茂地百货（Palette kumoji）皆有免费接驳车可以直达濑长岛！接驳巴士班次请点这，或是可以参加一日游行程到濑长岛
Calbee 炸薯条
最后小编要推荐嘅系Calbee即炸薯条，即炸薯条嘅口感食落同买番屋企嘅好唔同啊！食落感觉好似系蕃薯薯条加强版，甚至仲有冲绳限定嘅红芋口味，红芋薯条食落偏甜，再加上撒上糖粉都几好味！
【商店：Cablee ＋ 】地址：冲绳县那霸市牧志3-2-2营业时间：10:00-21:00电话：+81 98-867-6254详细资讯：Calbee＋官网交通：乘搭单轨列车至“牧志站”步行5分钟
【本文获“KKday”授权转载。】