【妙手仁心】阳仔21岁喇　变咗身高180cm国泰机师

《兰花劫》高清都无人收看，反而夜晚重播《妙手仁心III》就劲多人睇，大家都好想重温后生的陈豪、林保怡等，不过配角亦非常抢戏，尤其饰演阳仔的包骏寅（Aiden Bradley），当时8岁的阳仔在剧中饰演陈豪个仔，在剧中经常向陈豪发脾气，不少网友表示就算现在重看，都觉得阳仔做戏自然，不过阳仔自《妙》剧后，就少了幕前现出，但原来有更好发展，事隔12年的今天，阳仔已经21岁，还是国泰飞机师。认真叻仔呀！

最近成为机师的阳仔，原来都有和妈妈一齐翻睇这套作品，《香港01》透过facebook访问到阳仔，他说：“我同妈咪都有一齐睇返，好怀念当时拍剧的日子，剧组所有人都好帮我、好锡我，我都尽量同佢哋保持联络，陈豪就好忙喇，而家我仲经常同廖碧儿联络，但陈豪好锡我，对我好好，我最记得有场戏，讲我敏感症病发，陈豪抱住我入医院，呢场系我拍《妙》剧第一场戏，所以好难忘。”

拍《妙》剧时的包骏寅Aiden只得8岁，剧中的他细细粒，但他十分好动，运动成绩亦突出，最爱系榄球，更曾是14岁至20岁香港榄球代表，他说：“我为U14-U20香港队打波，但我开始飞行员工作，我就停咗喇！（点解唔做演员？）我系eurasian kids，香港发展可能机会比较少，所以冇继续喇，做飞机师系我由细到大嘅梦想，工作繁重、训练过程亦充满挑战性，但系工作好有满足感，我去过好多地方，我亦为呢份系最好嘅职业，国泰对我哋好好㗎！”

哪个女孩不想自己男朋友是飞机师？不过包骏寅就话最爱同朋友一齐，他说：“我系单身嘅，（机会来了，丝打）关于女仔嘅事我唔担心，我而家好享受工作，有时间我亦好钟意同朋友旅行，所以我冇点谂拍拖嘅嘢。”通常有条件的男仔，又点会担心冇靓女呢？