东张西望｜爸爸因新冠而死　家属：我见佢最后一面周围十几具尸体

无线（TVB）综艺节目《东张西望》今日播出悲情一幕，主持用电话采访两个都刚刚失去了患上新冠肺炎而逝世高年龄爸爸，分别是陈先生和李小姐。

陈先生的爸爸因患上新冠肺炎而要入院，但在明爱医院四日的时间，陈先生都觉得院方未有提供足，即使爸爸最后一面也只能做视像。他说：“所谓最后一面其实就系佢离开咗嘅最后一面。我觉得系明爱医院延误救治，同埋冇去照顾好我爸爸，有一个位畀佢，都唔系病房安置佢，咁过去十几个钟完全不吃不渴，所以明爱医院系延误咗去治疗呢个新冠重症病人，我爸爸离开嘅时候都系着住入院𠮶件衫，呢一个已经可以好证明我爸爸入院四日，都冇人帮佢更换衣服。”

陈先生续说：“都唔知我爸爸喺明爱医院咩位置，死亡证点攞，完全冇人联络我哋。我觉得政府要喺呢个部分即刻处理，唔想再有其他受害者，如果人已经离开咗，希望可以尊重家属点样去处理佢嘅身后事，同埋要有基本协助，呢个系好卑微好卑微好卑微嘅一个要求。如果人手不足，明爱医院其实可以唔接新案，我哋想去私家医院但唔会收，咁想我哋患病嘅家属点处理，我希望明爱医院可以有个交代。”

另一位受访者是李小姐，她的爸爸是长期病患者，一直住在老人院，她说：“佢中风住喺老人院，政府同我讲院舍有二十几个中咗，但隔离医院唔会收。有员工畀片段我，我爸爸食嘢愈来愈唔精神，我即时叫佢帮手Check吓，因为之前爸爸冇中，之后有两横，同埋已经好冇精神。我无奈真系要打去急救车，其实我好唔想打，因为你知老人院冇仪器，老人院同我讲就嚟死先可以打999，正常途径送医院，佢哋有指引，我唔信佢，我自己打999，因为我爸爸中风同埋个肺有问题。”

李小姐在第二日接到医院的电话，表示爸爸已经可以出院和返回老人院，但隔日再打去医院时，李小姐指院方说她的爸爸正在发烧，李小姐在受访时情绪愈来愈激动，到后来是泣不成声：“爸爸又发烧，又用返氧气，我爸爸入院第三日又打嚟话抢救紧，三日都未上房，佢同我讲有八十几人等紧。但老人院同我讲有一位老人家即刻第二日就上房，点解我爸爸仲未有，叫我再问问医院，我已经再问护士，但我可以做啲咩。佢喺上唔到房嘅情况，抢救唔到，就死咗。𠮶晚佢走𠮶晚，我去医院见佢最后一面，因为佢哋未上房会去公众殓房，周围十几具尸体，全部都系上唔到房喺度走，全部都系老人家，一定要畀返个公道死者家属，我知医护好辛苦唔够人手，系咪政府要安排人手，一直点解知道个病针对老人家，点解仲要畀感染嘅人返老人院。”