朱敏瀚爆粗、冯盈盈扮AV女优　myTV特备节目“激”过开心大综艺

myTV SUPER特备节目《SUPER FIVE》由 麦美恩、冯盈盈、简淑儿、朱敏瀚、麦大力主持，未知是否节目暂时只在myTV上架，所以几位艺人都玩得特别放，喺“卖鱼胜”环节当中，玩家需要将自己嘅鱼捞给对手，到最后鱼量最少嘅玩家为之胜出。

喺拍摄赛后感时，麦美恩直斥冯盈盈出矛招系垃圾，冯盈盈手执一条被佢玩到鱼尾变形嘅鱼表示：“我系垃圾， 而且系好L垃圾。”之后问朱敏瀚捞到嘅鱼咩情况，朱敏瀚一脸自信表示：“物似主人形，鞭鞭有力，你睇佢而家仲fing紧，幕后啲人话佢好快无电，但落喺我手，已经5小时。（好持久㖞！）我平时都系咁！”又笑指冯盈盈连鱼都玩死“你好L垃圾”。

节目另一环节“神之配音组”系会播出剧集片段，几位艺人要即场重新配音。工作人员播出《机场特警》张振朗同朱敏瀚喺天台对话一幕

原先嘅对白为：

张振朗：“我又唔系MAN SIR，点帮你呀？”

朱敏瀚：“我想好似你咁fit”

张振朗：“想好似我咩?”

朱敏瀚：“我想好似你咁fit”

张振朗：“系咁易倾两句啦”

被恶搞之后，朱敏瀚将“我想好似你咁fit”改为“我想比你鞭”、“我想晚晚比你鞭”，而麦美恩版本就变为“我下面有啲痒㖞、我帮你搔、我自己搞、我真系好想帮你、咁你过嚟啦”令整个画面变得十分重口味。之后轮到麦大力上场，由于发音问题，令一句“咁我以后喺gym room望住你推”变成“望住你吹”，听到冯盈盈十分兴奋，而麦美恩更开心到将大力叫成“大碌”。

点选睇恶搞对白

之后众人为《踩过界II》配音时，朱敏瀚过份地投入，搞到爆粗收场“我已经够样衰架啦，估唔到仲有人样衰过我，唔X系呀”全场人再次爆笑，而冯盈盈就话“我都估到呢个游戏会出事，我以为系自己，估唔到系Brian。”其后到冯盈盈为《陀枪师姐2021》配音时，明明系一幕离婚喊戏，但佢就配上日文AV中经常出现嘅对白“だめだ（da me da）、気持ちいい（ki mo chi）、ぃく(i ku )”之后仲问麦美恩等人，加入东湾风味后，有否感觉更新鲜……连字幕都打出“究竟我睇紧啲咩”。

同样系综艺节目，虽然《SUPER FIVE》只得五位主持，但无线绝对可以考虑将《SUPER FIVE》安排喺翡翠台播出，绝对唔输蚀畀卢苑茵扮米兰，又或者系江美仪扮莫文艺。