李佳入行3年举行首个演唱会担心卖飞反应：心里面会有个问号

李佳（佳佳）今日（26/2）现身中环出席《Date with Miranda Lee 佳佳有约演唱会》记者会。佳佳接受《香港01》访问时表示：“今次呢个演唱会，系我入行3年嘅第一个演唱会，其实筹备呢次嘅演唱会，由我哋上台一刻开始倾，我哋系用咗两个星期多嘅时间就完成。搞呢次嘅演唱会我有好多嘢都唔识，变咗不断咁去请教人哋。搞呢次演唱会点都有啲压力，始终都会担心呢样做得唔好，𠮶样唔好，变咗呢排都会瞓得唔好，成日都会好多嘢谂。（卖飞有冇压力？）其实点都会有啲压力，会谂啲人会唔会嚟呢？虽然有好多人话钟意你，但你系未必知系唔系，唯有到𠮶日先知系咪会满座，变咗自己个心里面会有个问号。”