刘芷希收诈骗电话被开价120万陪瞓　无奈太性感惹祸：会保守少少

曾在TVB剧集《黄金有罪》中饰演舞小姐莫莉莉及在《降魔的2.0》中饰演日本AV女优瑠佩悦子的刘芷希（Kimmy），在两部剧中都大骚性感身材，凭着亮眼表现成功令观众留下深刻印象。不过去年5月Kimmy宣布不续约，并离开香港返回马来西亚发展演艺事业。近日Kimmy大爆收到诈骗电话，更被要求“陪瞓”获取更高报酬，令她相当困扰，于是她决定报警处理，并开记者会澄清事件。

Kimmy在接受《香港01》访问时透露自己在去年年初收到一名自称是朋友Irene的短讯，对方声称要介绍一位地产商朋友给她认识，介绍有关地产代言的工作给她，之后该名骗徒就假冒马来西亚当地一位地产商的身份直接与Kimmy联络，甚至提出“陪瞓”的要求：“我话我唔想，佢又话唔想同佢或者同其他人过夜，跟住录音畀佢，好多奇怪嘅要求。当时唔系嬲，而系觉得好可疑，怀疑会唔会系身边嘅朋友，知道我咁多嘢，咁我同男朋友、屋企人商量后决定试下套下佢，睇下佢会讲啲乜，有咩要求。”

Kimmy曾在去年大爆被人问价，对方更开价50万一晚，而今次就更夸张：“类似成个Package咁计，可能120万工作加埋陪瞓，大概五六十万系工作，私底下再畀我五六十万叫我做啲不良交易嘅嘢，但冇倾到最尾条件系乜，因为由头到尾都系套嚟套去，所以冇confirm一个金额。”不过就在套料期间Kimmy反被对方以双方的对话内容威胁：“佢系威胁我要同佢配合，必须同佢发生关系，或者揾人发生关系后录音畀佢，可能佢想攞更多诬蔑我嘅证据。如果我真系信佢出去（陪）瞓，可能佢会再录低更多我不良交易嘅嘢。”

其实Kimmy早在去年年初报警处理，但在她年中返回大马后，对方依然骚扰她，所以她在去年年底再次报案。对于多次被问价及卷入“陪瞓”风波，Kimmy就大感无奈：“可能系我出道以嚟嘅角色或者广告都比较性感少少，所以会惹嚟呢啲麻烦。（以后会唔会避免性感演出？）应该都会考虑保守少少嘅造型，咁自己慢慢愈嚟愈年长，本钱同价值都会降低，可能冇人再揾我拍呢啲性感嘢。”

Kimmy在返回大马发展后主要以拍剧及广告为主，并兼任模特儿学院导师，幸好在收入方面未有太大负担：“返到嚟唔使租金，食住都系屋企，勤力啲接多两个广告都OK，屋企人唔需要我负担，所以都好幸运。”提到正值事业上位期选择离巢返回大马，Kimmy就无悔自己的决定：“自己又唔系十八廿二，都冇乜资格同啲后生嘅人争，自己本钱有限，都系时候摆时间落家庭度，随缘啦。”与机师男友感情稳定的Kimmy原本计划在去年结婚，但由于疫情关系唯有延后：“应该都系呢一两年嘅事，但我男朋友嘅工作受到好大影响，大家心情都比较沉重，所以等疫情过咗去先啦。”