【婚姻合伙人】林秀怡公开减肥餐单食足一年 薯片零食都瘦到身？
《婚姻合伙人》可说是监制潘嘉德在TVB的其中一套告别之作，首次担正的男女主角杨明、高海宁亦十分有喜剧感，并没令人失望。不过，此剧中最令人惊喜的，肯定是第二男女主角的陆永与林秀怡这对欢喜冤家。林秀怡接受《香港01》访问时说：“呢套剧我应该唔系第二女主角，不过我有好多戏份就真嘅，真系要多谢德哥。同埋𠮶时佢哋要揾个可以‘丑得’又放得开嘅人，哈哈。佢哋𠮶时畀我个指示系好似《撒娇的女人最好命》入面𠮶个谢依霖𠮶种。”
《婚姻合伙人》之后无其他剧承接会否失落？她回答说其实自己也有些许失落：“净系一套剧播，然后就有人讲下，之后就冇其他嘢。不过唔紧要啦，听天由天啦，因为呢啲嘢都冇得话争啲乜，人哋要揾你就系揾你。”除了演技出众，另一个成就网上热讨就是剧中各种大胆演出。为了拍摄此剧，她更表示自己做足一年运动。“𠮶一年成日同班朋友，得闲就跑步、打拳。每日就食鸡肉、菜、芝士、糙米饭、蛋同豆浆。”
林秀怡：“其实我未减肥成功㗎，哈哈。我谂体重就应该冇乜减到，不过明显啲就系啲肌肉实咗。”除了以上餐单，她还提到一种特别的“零食减肥法”。“开始拍剧前𠮶一个几月，其实系因为日开夜开，然后我就戒饭，正餐少食但系就不断食零食，薯片、糖𠮶啲，但系我就冇好节食咁减，因为我太钟意食嘢同埋个人会超级唔开心。𠮶排就每样嘢都食少少，但系就唔好食太多，就可以满足到自己胃口，又唔使肥。同埋行路去到嘅就唔搭车，因为行路都可以当运动。”
“其实我之前都Keep住喺105-110磅左右好多年，唔知点解之后到上年年中就开始不断咁肥，而家就开始再减返，我真系饮水都肥𠮶种。之前就食极都冇乜嘢，可能系因为惯咗唔食饭、尽量拣少淀粉质食物。不过而家真系肥咗好多，哈哈，真系同个瘦字好难扯得上关系，好惨！”见到别人大鱼大肉会否羡慕？“冇乜嘢㗎，因为我都可以食㗎嘛，不过就唔系成碟啪之嘛，可能系一两啖咁食。”