【BB来了】黎诺懿闻“妈妈谷”色变　李佳芯即Join真系港妈必入？

撰文： 洪晓璇
出版：更新：
作为香港妈妈，对呢啲妈妈聚会一定好熟悉。（影片截图）

个个妈妈都话自己忙到不得了，在职妈妈工作忙返到屋企更忙，全职妈妈更加要24小时ON Call年终无休。不过大批妈妈最近再忙都要追剧，讲紧嘅系TVB新剧《BB来了》，因为佢地好有共鸣呀﹗当中提到嘅“港妈王国”妈妈谷，女观众听到不禁笑出声，开电话数下自己入咗几多个，男观众就话：“好似邪教一样信徒遍布全港﹗”到底妈妈谷咩嚟？有咩咁吸引？

Ali同黎诺懿于街头被同学仔邀请加入妈妈谷。（影片截图）

【BB来了】李佳芯演活妈妈情绪起伏 生仔似走过鬼门关无夸大

当知道老婆加入妈妈谷，好多男观众反应都会同黎诺懿一样……（影片截图）

剧中Ali产检后喺街头，撞见产前班嘅同学仔被邀请入妈妈谷，见到黎诺懿即时一脸嫌弃，唔少网友都笑言：“老公话好似邪教唔俾入呀﹗”妈妈谷其实正解系妈妈Group，孕妇于Facebook、Wtsapp认识同路人，就如Ali所讲：“有跟地区有按生B月份，可以交流下生B同凑B心得，仲有定期聚会﹗”

估唔到Ali会由港女变港妈。（影片截图）

佢地即时就跟咗去妈妈谷聚会，黎诺懿作为场内唯一男士实在大开眼界，眼见在场妈妈挺住箩咁大嘅肚，一时呻：“怕有妊娠糖尿医生唔俾乱食嘢。”一时又八卦下贪靓妈妈晒命。在男士眼中睇落，黎诺懿只觉得：“一班师奶自暴自弃，讲是非吐苦水FF自HIGH。”仲相当担心老婆Ali由高学历有气质嘅港女沦落成港妈。

好多老公讲到出口，觉得妈妈谷系邪教一样。（影片截图）

【BB来了】女强人忽然Bingo做妈妈 李佳芯忐忑心情网友赞有共鸣

妈妈之间嘅术语，62=老爷，99=奶奶，C6=死佬，C9=师奶。（影片截图）
所有会入妈妈谷嘅人，都系为咗知更多，俾最好嘅嘢BB。（影片截图）

不过作为妈妈嘅Ali就会明白妈妈谷嘅重要性。无论有无返工，丈夫再体贴，都无可能24小时陪喺身边，由刚开始怀孕揾边个医生好，身体出现微妙变化不知所措，即时去Group内问同路人，回复可能比上网查Wiki，即时Google都要来得快狠准。好似Ali剧中咁，因为子宫渐大压住膀胱，每晚要起身去几次洗手间，到BB出咗世每隔两个钟起身喂夜奶，身边人都未必可以次次起身陪伴，反而到Group呻几句，知道大家都一样经历，反而心情会好返啲。

由怀孕到BB出世，到揾学校都可以同妈妈谷会员交流，难怪Ali一定要入啦。（影片截图）
林淑敏生B后老公唔喺身边，忍痛行去喂BB时好在遇到谷友Ali帮忙。（影片截图）
+5

【BB来了】李佳芯卢苑茵展婆媳大战 新抱奶奶永远睇对方唔顺眼？

日日孕吐呕足七个月，个中辛酸真系只有同路人知。（影片截图）
戏中BB俾奶奶Madam Lo唔小心整到流血，妈妈Ali当然心痛。（影片截图）
当下唔可以即刻带BB去睇医生，Send张相去妈妈谷都有人即刻帮到手，林淑敏传俾相熟医生睇话无大碍先令Ali放心。（影片截图）

身边有朋友足足入咗5个妈妈谷，跟地区嘅可以问区内边个产科儿科医生比较好；医院谷可以问走佬袋执啲咩；同月谷大家怀孕阶段相约，可以互相提醒几时做无创几时照结构，饮糖水测糖尿超标可以点做；到BB出咗世可以揾到一堆同年同月同日BB一齐聚会，由出世起就帮小朋友揾定朋友仔。人多仲可以争取到团购优惠，买尿片奶粉靓靓BB衫都可以有Discount，悭得一蚊就一蚊，齐齐做个精明嘅靓妈﹗

怀孕期间不停醒去洗手间，生B后喂夜奶都可以同妈妈谷倾诉。（影片截图）
人多好办事，齐齐book奶粉尿片量大自然有得平啦。（影片截图）