【玩死蜘蛛侠】汤贺兰顶唔顺Stan Lee电话骚扰　辞演Spider-Man？

撰文： 何志衡
出版：更新：

《蜘蛛侠：强势回归》全球票房大收，饰演蜘蛛侠嘅汤贺兰（Tom Holland）亦红到发紫，观众都大爱呢位21岁嘅新蜘蛛侠，虽则最近传出佢狂追梅婶Marisa Tomei但亦无阻粉丝期待佢下一次演出。

观众已普遍认为汤贺兰演嘅蜘蛛侠系目前最好，如果又换人会好困扰。

不过日前有外地网媒发布消息，指汤贺兰被Marvel之父Stan Lee电话滋扰，而且谈话内容古怪难顶，故决定唔再演蜘蛛侠咁话。喂喂！真定假㗎？唔通Spider-Man又要换人？唔好咁认真住！

Stan Lee想像力丰富至创造到咁多英雄人物，但未至于语无轮次卦。

报道嘅内容都几古怪，指Stan Lee不断联络汤贺兰，内容全是围绕Uncle Ben，即系养大蜘蛛侠后来死咗𠮶位Uncle Ben呢，Stan Lee话Uncle Ben死𠮶阵，蜘蛛侠走近佢，应该要有条水柱由颈注入Uncle Ben个口，Uncle Ben感觉到味道好似有几千只动物浸死咗喺里面咁。Stan Lee好似醉酒佬讲嘢一样非常骑呢！

报道又话汤贺兰因为顶唔顺Stan Lee所以决定唔再接演蜘蛛侠电影，仲指Stan Lee喺facebook回应要送汤贺兰一程。

报道更“转载”Stan Lee的社交网页，声称佢同汤贺兰say goodbye，但我哋查过呢段贴文可能系假。

有网友睇完好担心蜘蛛侠又要换人，不过汤贺兰嘅Twitter同ig都冇对事件作出回应，佢只系如常咁出席宣传活动，而喺Stan Lee嘅facebook page亦唔见报道所转载嘅Stan Lee回应，加上内容古怪难明，相信呢单新闻只系恶作剧啫！

汤贺兰会喺《复仇者联盟3》继续演蜘蛛侠。
【蜘蛛侠】Uncle Ben原来已经出场？就系死侍短片个伯伯？宋仲基示爱《军舰岛》跑赢《蜘蛛侠》　宋慧乔比事业人气重要！蜘蛛侠戏服太窄被迫脱毛？　汤贺兰倒吊太耐要脑扫描