鬼节｜悭家奶奶执街边祭品加𩠌 新抱感崩溃 5贴士防中毒要知

踏入农历七月，不少人也按传统在街上“烧街衣”，除了香烛衣纸冥钞，亦有烧味、水果等祭品，以超渡孤魂。不过有女网民于讨论区大呻节俭成性的奶奶，日前外出拜祭后表示晚饭加𩠌，惟吃到一半时惊见表面有灰，奶奶竟淡定表示是烧衣的灰烬，又自爆爆这是其他人拜祭后留下的祭品，令楼主大为吃惊。

该女网民近日在香港讨论区以“奶奶竟然执人地啲祭品返屋企食”为题，表示奶奶一向很节俭，日前奶奶出去拜祭烧街衣后，表示晚餐加𩠌，有猪有鸡，惟大家食到一半时竟“食到啲灰”，“睇真啲食物上面仲有啲黑色点点，我即系吐左出嚟，奶奶仲好淡定咁话，应该系烧嘢啲灰，仲叫我唔洗惊！原来咁好𩠌系因为𠮶啲都系佢拜完拎返屋企嘅”。

新抱又言，其实不太介意吃拜祭后的祭品，“我都明食得唔好嘥，唔好浪费食物系好事。”她续称难以接受要吃别人的祭品，又斥：“但系奶奶仲拎埋其他人拜完留低嘅祭品返嚟！ 咁样做真系好咩？先唔好讲食物卫生嘅问题，人地话晒都拜拜，系畀啲鬼食㗎，咁样拎番嚟好咩...”

不少网民也留言表示奶奶非常大胆，又叫事主应同老公反映意见，“攞自己拜嘅无问题，食咗求平安，但攞其他人既野，真系唔系咁”、“执埋人哋𠮶啲又夸张咗啲”、“悭成咁第１次见”、“食完撞邪或肚痛是旦一样野都可以好大镬，唔好做埋啲咁恐怖嘅嘢啦”。

根据台湾卫生福利品资料，在拜祭期间摆放的熟食菜肴，容易被空气中飘散的灰尘及虫蝇等污染，因此要注意以下4点以防引致食物中毒。

1. 自行烹煮的供品，应以锅盖或保鲜膜覆盖，或改用有包装的食品，如罐头或有外皮保护的水果作为供品

2. 注意食材要新鲜，并适量购买

3. 祭拜完后，要依食品的特性尽速储存于冰箱或阴暗处

4. 食用前以肥皂洗净双手，并将食品充分复热，尽速食用完毕

5. 如果食品有色泽改变或酸臭的情形，就应该避免食用

▼同场加映，10个常见处理食物常犯错误（按图👇👇👇）

▼同场加映，本港九大常见毒菇：（按图👇👇👇）