太极主音雷有辉Solo演唱会　为幕后兄弟开骚：我哋呢几个月零收入

撰文： 林迅景
出版：更新：

雷有辉（Pat哥 / Patrick）曾替数以百场演唱会和音，对观众来说演唱会和音可能是可有可无，但对歌手来说，这个存在绝对能令场骚锦上添花。不同的是，这位殿堂级歌手，太极乐队的主音，今次就由配角变主角，举行两晚《PAT Music Over Rainbow》演唱会，同大家High足两晚。

雷有辉（Pat哥 / Patrick）今次开演唱会由配角变主角。（受访者提供）
雷有辉笑说自己的名字并不是“雷有晖”，被大家叫错了20多年。（资料图片）

《PAT Music Over Rainbow》为疫后首个演唱会，今日（6月22日）就是门票开卖第一天，Pat哥会不会担心？。雷有辉接受《香港01》访问时就笑言：“我哋冇第二个Plan㗎，依家都系得一个目标，就系当正常咁做，所以揾Band、Joey Tang做Band Leader，宣传同事埋班！大家要Positive啲去做，问题自己解决！”

太极乐队出道了有36年，推出过不少经典好歌。（网上图片）

那么，又为什么选择8月开骚？他表示骚期原本在4月举行，也因为疫情关系延期了。他说：“后来突然收到通知话8月可以喺西九戏曲中心搞，有时间准备就决定搞。今次主题系‘Pat Music Over Rainbow’，都系因为个疫情令大家太Sad，所以先想带啲欢乐畀香港人，希望香港呢个城市好似雨后彩虹咁。”

太极乐队每位成员都是独当一面的乐手，无论咩年代嘅band友都一定听过佢哋嘅作品。（陈顺祯摄）

疫情除令香港人心情低落，亦间接影响不少人生计。Pat哥坦言今次做演唱会的另一原因都是“为咗班兄弟”。“呢几个月幕后都好多同事都停哂工，今次个骚虽然唔系好多场，但都叫有工开吓，大家顶住先一齐有工开，呢样系我最想见到嘅！讲真有边个唔受影响㗎，呢几个月我一直都系零收入，登台、同帮歌手做和音全部都暂停晒，开个骚，起码我可以都揾番多少嘛，哈哈。”

雷有辉帮过不少歌手做和音。（受访者提供）

太极乐队自1985年成立以今，足足有35年。今次会不会唱《留住我吧》和《红色跑车》等经典作？他回答：“讲起35周年，其实12月就系！我哋都想到时开个骚，今次都系班兄弟推我出嚟暖一暖场，同班Fans玩得High High地。‘饿’咗咁耐，点都要预热一吓嘅，12月就可以尽与啦。至于今次呢，我希望唱多啲陪住大家成长嘅歌，我唔止识唱太极嘅歌嘅。同埋大家都可以喺网上畀意见我，等我唱多啲Pop-Song，冇咁Out吖嘛。新歌我都识唱架！”唔知Pat哥会不会唱《Despactio》、《到此一游》同埋Mirror首《一秒间》呢？

雷有辉举行两晚《PAT Music Over Rainbow》演唱会，同大家High足两晚。（网上图片）
+5
雷有辉爆林德信儿时录音室搞搞震：佢入行做歌手老板叫我教佢唱歌雷有辉暑假开骚　被队友禁唱太极金曲：年尾举行太极35周年演唱会【多图】太极红馆骚尽显铁汉柔情　鼓手Ricky隔空多谢戴梦梦？太极拍住交响乐团霸气开骚　许志安做嘉宾：细细个就听你哋啲歌【有片】一口气听四个版本《红色跑车》　太极即兴Jam都系咁坚！【专访．有片】太极联乘交响乐团　60乐手列阵：𠮶种压迫力好激【专访．有片】太极爆做监制辛酸：有歌手一只歌录足50 Take呀！