【有片】张敬轩商场骚爆Seed飙高音　拍住管弦乐团霸气似足开红馆

张敬轩今日到沙田新城市广场出席《Music in Town》闭幕活动，大唱4首与香港城市室乐团合作改编的代表作，令在场乐迷与市民大饱耳福。早前轩仔与管弦乐团彩排重新编曲版《酷爱》的片段在网上大获好评，乐迷们见轩仔“回归”都纷纷话：“皇上返嚟喇！”到今日正式演出现场观众反应非常热烈，整个商场气氛高涨。​轩仔今次将4首大家耳熟能详的代表作重新编，包括：《酷爱》、《骚灵情歌》、《樱花树下》及《青春常驻》。台上有超过30名乐手与轩仔合作，将流行乐与管弦乐完美融合，歌曲层次变得更丰富，让人耳目一新，仿佛重新认识张敬轩的作品一样。轩仔在商场开骚犹如置身“巨型四面台”，台风自如不在话下，而且发挥超水准，例如在《酷爱》副歌中飙高音，在《樱花树下》尾段拉长音近20秒等等，整个演出目不暇给。轩仔在台上向乐迷打招呼：“我自己都有一段时间冇唱歌俾大家听，所以今日都好期待！原来呢到都有山顶㗎，山顶嘅朋友大家好！”轩仔唱得又亲民令观众非常受落，欢呼声连连。

冇去现场嘅朋友唔紧要，依家有得逐首足本重温喇！

轩仔今日表现超水准，听到Live嘅乐迷真系大饱耳福！(陈顺祯摄)

轩仔接受访问时，表示自己非常享受今次演出，被问到为流行曲加入管弦乐重新改编的难度，轩仔表示：“难度在于好多时我哋同Band、流行乐队去夹系佢哋跟我，但系同管弦乐夹佢哋系跟指挥，所以你见我啱啱喺台上行嚟行去其实都系要瞄一瞄指挥，𠮶个同步系好难。”

虽然有难度，但轩仔都乐在其中：“流行曲最好玩嘅地方就系呢到，其实唔单止同管弦乐夹平时都系，可能喺观众嘅角度我哋系主角，但其实喺台上面唔系，系大家嘅配合；呢样嘢好讲求音乐人之间心同心嘅交流，𠮶样嘢好深㗎，但系你好容易感受到我哋系咪synchronize紧。”轩仔又表示乐手来自世界各地，正正感受到音乐大同。

另外，4首歌曲当中轩仔最喜欢的是《酷爱》：“今次加入弦乐令首歌再惨啲，唔同原本R&B嘅味道，同埋依家个版本动态大啲。”

对于今次演出，轩仔表示发现商场原来都好好声：“我发现其实最好声嘅表演场地系商场，因为周遭都系玻璃，所谓嘅会‘弹声’如果冇人就会弹声，但系今日好多观众，佢哋都变咗diffuser，我喺台上面听系好好声！我今日上到台发挥都好轻松，仲轻松过排练𠮶日，感觉到原来我仲可以去！”

轩仔又提到陆续会推出新歌，正筹备新碟，而新碟的主题是向以往听过的音乐作致敬，轩仔表示：“今次新碟系向我听过嘅音乐致敬，呢只碟系会几90年代。其实我本身都唔敢胆粗粗去做，系见到卫兰《I Don’t Care》呢只歌，同埋JW、林奕匡佢哋都开始玩番啲90年代嘅嘢，所以我就揾番一班90年代嘅大师嚟帮我手，因为90年代对我哋嚟讲系一个Golden Age嚟！不过写歌方面用咗好多较新嘅音乐人，变咗呢只碟系一个两代音乐人嘅Crossover！”