梁诺妍产前爱吃甜增27磅　修身两星期全无变化　3个月终减14磅

洪永城太太梁诺妍去年12月诞下囡囡Amber，早前梁诺妍在Insatgram大胆贴出产后修身前后的对比照，并直播大方分享她产后修身经历。只见她修身前后有明显变化，面形和身形都变得纤瘦，3个月便成功减掉14磅。梁诺妍分享，产前爱吃甜食，孕期增加了27磅，爆自己变得“又肥又肿”。她努力两星期仍无变化，遇上樽颈，故鼓励“同路人”：修身最重要的是要将运动和健康饮食变成习惯，身体就自自然然会变得健康。

洪永城太太梁诺妍去年12月诞下囡囡Amber，一家三口非常幸福。梁诺妍透露，由怀孕去到诞下Amber前体重升了27磅，怀孕时期都有做适量运动，到8个月后就是散步及做伸展比较多。

“但系整个孕期都特别钟意食甜野，自自然然食多咗糖，脂肪比例都会高咗”，到Amber出世后体重下降约10磅，经历坐月“成个人又肥又肿，脂肪比例上到31%。在开刀生洪宝后第5个星期，开始有郁动返不过因为伤口有机会未完全康复，加上伤口点都仲有少少感觉嘅，所以我都唔会刻意做啲有机会整亲伤口嘅运动，然后就系喺饮食方面着手，我开始食的清啲，食同饮返啲热量可以少，但系又可以上奶嘅食物。”她在直播分享说，但努力了两星期体重及脂肪比例完全冇变化，“呢个过渡期相信每位想减肥人士都一定会遇到，呢个时候真系千祈唔好放弃，过咗呢个过渡期，身体机能所有种种都会慢慢变好。”

梁诺妍在直播中提及，最有效修身的方法是将运动和健康饮食变成习惯，其中饮食方面，梁诺妍就使用低碳饮食，少油盐糖，尽量戒糖和淀粉，“糖对身体唔好，皮肤会变差，亦容易致癌，唔系话要完全唔食，而系要知边啲会对身体好啲。例如果糖其实都唔系咁好，但都可以食啲。”梁诺妍亦表示有些人会食得非常清淡，这样的确能够很快瘦，但当回复正常饮食便很容易反弹。

梁诺妍续指，当时她每星期4日或以上，用30-60分钟去跑步或在家做运动，慢慢重拾运动节奏和饮食习惯，过了3个月成功将脂肪比例由31% 减到 23.5%。梁诺妍亦指出要减脂肪最有效的一定是带氧运动，即代表会喘气、心跳加快、流汗的运动，以跑步为例，要起码连续跑20分钟身体才开始会燃烧脂肪，因此建议最少跑40分钟。

梁诺妍补充就：“我一直都冇急住去减磅，反而系我每次都好期待去做运动，自自然然身型就好起来啦。当然呢个仲未系一个理想嘅数字，始终都系生完bb 4个月，一心急好快会反弹肥返㗎，所以真系唔急得。”并表示“张after 相其实都系两星期前影，而家已经再修多少少了，然后上星期我开始扎埋肚，始终生完盆骨阔咗做运动真系未必可以收返窄个盆骨，等我扎完肚再同大家分享成果。”