【香港书展2018】家长扫30本补充 妈妈：补充练习对成绩有帮助
一年一度的书展在今天（18/7）至下星期二（24/7）于湾仔会展举行。今天是书展举行的第一天，虽然天气欠佳，但亦无阻各位家长入场扫书！不少家长都在Hall 3的“儿童天地”抢购补充练习，有家长花数千元购买补充给小朋友。虽然如此，但也有家长反映往往小朋友也做不完那些补充。温先生坦言，“之前买咗嘅补充，最后小朋友只系做咗四、五成左右。”但为求安心，令小朋友更易应付考试，他又不得不购买补充，百般无奈。摄影：陈乐希
妈妈：做补充练习对成绩有帮助
而已花了一千元购买补充练习的许小姐说：“书展嘅补充练习种类都比较集中，而且多版本选择。”她又认为补充练习对小朋友的成绩很有帮助，“我估计成绩都提升咗20%-30%，所以补充练习其实都几重要，熟能生巧嘛！”
被问到小朋友是否喜欢做补充，她坦言：“佢就梗系唔中意做补充，都系我命令佢做。佢冇嚟书展，因为佢唔想面对呢啲嘢（补充练习）。”
爸爸：买得多先系怪兽家长
另一边厢，王先生指他不会强逼小孩做补充，“佢钟意做数学就做数学，钟意英文就做英文， 唔钟意嘅科目唔会逼，逼佢效果会唔好。”他又认为购买补充并不等于怪兽家长，“买得多先系怪兽家长，听有人会买50几本，太夸张，唔翻学都做唔晒啦！一科买三、四本就ok。”
购买升中一补充给女儿的殷先生也表示自己只会随意地给女儿做补充练习，“唔会趁暑假就叫佢做多啲，考试之前先做。”而殷先生的女儿也不抗拒做补充练习，“做咗补充后中文有进步，对成绩有帮助，其实都无所谓嘅。”
家长指买太多也做不完
而温先生对购买补充表示无奈，“无办法，学校提供唔切，所以买补充课余俾佢做。”他觉得购买补充会令家长安心一点，“起码有做过，考试出番类似嘅题型可能会记得点做。”温先生已在书展购买了八本补充，但表示未来可能会再买更多，“主要睇学校课程安排，啲野未学过但又要加强番咪要买。”
他同时也担心买了太多补充，“因为根据经验，之前买咗嘅补充，最后小朋友净系做咗四、五成左右。学校本身有练习，出去补习又有，唯有抽啲嚟做。”他又指家长应多奖励小朋友，“其实怪唔怪兽家长系睇你点对小朋友，小朋友做得好就应该要奖励，佢对成绩著紧就会做（补充练习），逼死佢地会做唔到嘢。”
此外亦有家长觉得花4、5千元买30本补充练习给小朋友，是希望提升孩子竞争力，“因为人哋成绩好过佢，所以唯有做多啲。嘥时间、嘥钱都对成绩有帮助。”她坦言小朋友不太喜欢做补充，因为失去了玩乐的时间，“都系半强逼叫佢做，同埋佢就升中，都明白呈分试系重要。”
《香港01》App，浏览更多亲子资讯，立即下载： https://hk01.onelink.me/FraY/hk01app